Pasqyra e zezë e trojeve shqiptare

Faqja 2 e 11 Previous  1, 2, 3, ... 9, 10, 11  Next

Shiko temën e mëparshme Shiko temën pasuese Shko poshtë

I lypin me internet

Mesazh nga Agim Gashi prej Tue Apr 21, 2009 10:05 pm

I lypin me internet




Policia e Kosovës kërkon tetë persona në mënyrë publike. Fotografitë e këtyre të shumëkërkuarve janë publikuar edhe në faqen zyrtare në internet. Vetëm Enver Sekiraqa, përveç Policisë së Kosovës, kërkohet edhe nga Interpoli.

Nga Jeton Musliu më 20.04.2009 në ora 9:47

Vetëm tetë persona, Policia e Kosovës i ka shpallur në kërkim përmes faqes së saj zyrtare të internetit.

Këta të shumëkërkuar janë të dyshuar kryesisht për vepra shumë të rënda penale, të cilat fillojnë që nga vjedhjet e jashtëzakonshme, e deri te vrasjet.

Sipas policisë, në baza ditore ata marrin informacione të shumta, duke përfshirë edhe të dhëna për personat e shpallur në kërkim.

Por pavarësisht se këta të shumëkërkuar kanë kryer krime përafërsisht të të njëjtit nivel, vetëm njëri prej tyre ka fletë arrest ndërkombëtar.

Është i kërkuari Enver Sekiraqa, ndaj të cilit Policia e UNMIK-ut, përmes Interpolilit, është duke e kërkuar që nga viti i kaluar.

Zyrtarë të policisë tregojnë se nga qytetarët, ata marrin informacione për të kërkuarit, në mënyra të ndryshme, që fillon nga telefonatat e deri te patrullat në rrugët e vendit.

“Telefonatat në numrin 038 550 999 kalojnë direkt në Qendrën Operative në Drejtorinë e Përgjithshme, kurse konfidencialiteti është i garantuar”, thotë Arbër Beka, zëdhënës i Policisë së Kosovës.

Përveç kësaj, forma tjetër e marrjes së informacioneve është edhe përmes postës elektronike, në të cilën zyrtarët e policisë thonë se kanë qasje vetëm tre persona.

“Njëri prej këtyre personave që ka qasje në e-mailin info@kosovopolice.com, i cili shërben për informacione të tilla, është vetë drejtori i përgjithshëm, Sheremet Ahmeti”, shpjegon Beka për Express.

Një mundësi tjetër, të cilën e shfrytëzojnë policitë e botës për të arrestuar të shumëkërkuarit, është edhe shpërblimi.

Megjithëkëtë, një formë e tillë në Kosovë është përdorur vetëm një herë, me rastin e arratisjes së shtatë të burgosurve nga burgu i Dubravës.

Në atë kohë, ishte komisari i Policisë së UNMIK-ut i cili kishte vënë në dispozicion 12 mijë euro shpërblim për atë që do të jepte informacione.

Tash, sipas Ligjit të Policisë së Kosovës, një e drejtë e tillë i takon drejtorit të përgjithshëm të saj, mundësi të cilën Sheremet Ahmeti ende nuk ka filluar ta përdorë.

Sipas zyrtarëve të policisë, së shpejti në faqen e tyre të internetit (www.kosovopolice.com) do të publikohen edhe fotografi e të dhëna për më shumë të kërkuar.


Rrahim (Rrahman) Avdullahu

Ky i shumëkërkuar ka lindur në vitin 1983 në Prishtinë dhe mban pseudonimin “Rrumiqi”. Në faqen e vet zyrtare policia nuk ka treguar se për çfarë kërkohet ky person.


Ilir (Ymer) AVDULLAHU
Ka lindur në vitin 1982 në Prishtinë dhe mban pseudonimin “Liza”. As për këtë person policia nuk tregon se për çfarë veprash kërkohet.

Amir Ismajl Sopa
I lindur në vitin 1978, ky person është arratisur rreth një vit e gjysmë më parë nga burgu i Dubravës, ku ka qenë si i burgosur. Policia ende nuk ka mundur ta arrestojë atë.

Lirim Jakupi
Ka lindur në vitin 1979 dhe është i arratisur gjithashtu nga burgu.

Agron Ramadan Kryeziu
Është 30 vjeç dhe ka lindur në fshatin Pagarushë të Malishevës, por është banues në Prizren. Nga policia kërkohet nga viti 2007 për vrasje të rëndë.

Bedri Krasniqi
30-vjeçari nga fshati Turjakë i Pejës kërkohet për veprën penale të vrasjes.

Lukë Gjergj Kuzhnini

Është 24 vjeç nga fshati Smaq i Prizrenit, kërkohet nga viti 2007. Kuzhnini ka fletë arrest vendor nga Gjykata e Qarkut – Prizren dhe kërkohet për veprat penale të vrasjes, vrasjes në tentativë, lëndim të rëndë trupor, lëndim të lehtë trupor, mbajtje në pronësi, kontroll, në posedim ose shfrytëzim të armëve.

Enver Sekiraqa

35-vjeçari nga Prishtina, përveç nga Policia e Kosovës, kërkohet edhe nga ajo e ndërkombëtare e Interpolit. Sekiraqa kërkohet për krim të organizuar, krim ndërkombëtar, krime seksuale, vjedhje, krime kundër jetës dhe shëndetit.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Arrestohet i dyshuari për vrasjen e 14 vjeçarit

Mesazh nga Agim Gashi prej Wed Apr 22, 2009 10:41 pm

Arrestohet i dyshuari për vrasjen e 14 vjeçarit






Nga Dafina Myrtaj më 22.04.2009 në ora 16:46

Pas 13 vjetësh, Policia e Kosovës ka zbuluar se Sadber Ahmeti (1981), nga Vitia, i zhdukur që prej vitit 1996, dyshohet se ishte vrarë nga bashkëvendësi i tij Z.R (1978).

Në atë kohë, viktima 14 vjeçare për herë të fundit kishte dalë nga shtëpia e tij me një mars të vitit 1996, dhe më nuk ishte kthyer kurrë.

Rasti ishte hetuar nga pushteti i atëhershëm dhe ishte i arrestuar i dyshimti Z. R, por në mungesë të fakteve ai atëherë ishte liruar.


Me 23 janar të vitit 2003 njësiti për persona të Zhdukur në Prishtinë, ka dorëzuar një rast në Njësitit të Hetimeve Rajonale në Gjilan, me kualifikim “Person i zhdukur”.

Pas pranimit të rastit, ky njësit që nga viti 2003 ku edhe ishin marrë në pyetje disa dëshmitarë rasti ishte mbajtur për një kohë i pezulluar.

Gjashtë vite më pas, pikërisht me darën 19 prill të këtij viti, është intervistuar i dyshimti i cili ka qenë bashkëpunues me hetuesit dhe në prani të avokatit mbrojtës ka shpjeguar shumë fakte që lidhen me rastin.

“Me datën 19 të këtij muaji nga ana e hetuesve të Policisë në Gjilan është filluar rishtazi hetimi i këtij rasti duke u përdorur të gjitha teknikat e veçanërisht intervistat që lidhen me dëshmitarët direkt apo sipas dëgjimit. Në bazë të dyshimeve të bazuara u vërtetua se nuk kemi të bëjmë me rast “Person i zhdukur” por vepër penale “Vrasje e rëndë””, bën të ditur toger Avni Uruqi.

Bëhet e ditur se në lidhje me rastin është informuar edhe Kryeprokurori i Qarkut i cili ka marrë pjesë direkt në procedimin e rastit. Për shkak të rastit të komplikuar, njësitet e hetimeve rajonale,njësitet e Krim teknikës, Prokurori i qarkut së bashku me të dyshimtin kanë dalë në vendin e ngjarjes ku dyshohet të ketë kryer veprën vrasje e rëndë.

Në vendin e ngjarjes janë gjetur pjesë të rrobave të cilat besohet të jenë të viktimës, si dhe copëza skeletore të cilat janë marrë nga Instituti i Mjekësisë Ligjore në Prishtinë për analiza të mëtutjeshme.

Me vendim të prokurorit i dyshimti është ndalur në mbajte për 48 orë ndërkaq lënda e kompletuar i është dorëzuar Prokurorisë së Qarkut.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Hajnat hynë në polici

Mesazh nga Agim Gashi prej Sun Apr 26, 2009 11:53 pm

Hajnat hynë në polici


Nga Express më 25.04.2009 në ora 20:51

Në ndërtesën e quajtur ish Qendra për Trajnim Policor afër Drejtorisë së Përgjithshme të Policisë është raportuar për një vjedhje të rëndë.

“Policia në vendin e ngjarjes kishte vërejtur se dera e dhomës së dëshmive që ndodhet në këtë ndërtesë ishte hapur me forcë nga persona të dyshimtë. Pas këtij incidenti është formuar një Task Forcë e hetimeve e që në kuadër të saj marrin pjesë njësitet e nevojshme të hetimeve të Policisë së Kosovës në kuadër të Drejtorisë së Përgjithshme të Policisë”, thuhet në një komunikatë për media.

Hetuesit policor thonë se personat e dyshuar mund të kenë depërtuar brenda në këtë objekt përmes shkallëve emergjente prapa kësaj ndërtese.

Hetuesit e krimteknikës- forenzikës janë ende duke proceduar shikimin në vendin e ngjarjes.

Pas përfundimit të shikimit të vendit të ngjarjes do të shikohen listat e dëshmive, për të shikuar se cilat dëshmi - prova materiale mund të jenë marrë nga aty.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Persona të panjohur kanë grabitur rreth 50 mijë euro në një bankë në Prishtinë

Mesazh nga Agim Gashi prej Tue Apr 28, 2009 11:24 am

Persona të panjohur kanë grabitur rreth 50 mijë euro në një bankë në Prishtinë


Prishtinë, 28 prill - Në pikë të ditës katër persona deri tash të panjohur dje kanë grabitur rreth 50 mijë euro në nëndegën e ProCredit Bankës në Prishtinë që ndodhet në Qendrën Tregtare "Bregu i Diellit". Sipas zyrtarëve të policisë, njëri nga katër grabitësit pas hyrjes në objektin e bankës ka shtënë me armë zjarri në ajër, por nuk ka pasur të lënduar nga ana e punonjësve të bankës apo të klientëve të saj. Njësiti i policisë ka dalë menjëherë në vendin e ngjarjes, por grabitësit kishin ikur në drejtim të panjohur. ProCredit Bank u ka bërë thirrje klientëve të saj që të mos jenë të shqetësuar, pasi të gjitha mjetet e bankës janë të siguruara plotësisht bazuar në rregullat në fuqi në Kosovë, thuhet në komunikatën e bankës.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Lipjan: Policia arrestohen tre të dyshuar për vrasje

Mesazh nga Agim Gashi prej Sun May 03, 2009 10:44 pm

Lipjan: Policia arrestohen tre të dyshuar për vrasje

Një ditë pasi është gjetur i vdekur, N. Hajrizi i gjinisë mashkullore nga fshati Gumnasellë e komunës së Lypjanit, policia ka arritur t`i kapë tre të dyshuar. Të dyshuarit për kryerjen e kësaj vrasjeje me urdhër të prokurorit janë dërguar në Qendrën Rajonale të Paraburgimit në Prishtinë. Sipas policisë, pas ekzaminimit fillestarë dhe rezultateve të para të hetimit, hetuesit rajonal kanë ngritur dyshimin se vdekja e viktimës është shkaktuar dhunshëm, dhe bëhet fjalë për një vrasje të rëndë.
Policia njofton se trupi i viktimës është tërësisht i karbonizuar. Zyrtarët policorë njoftojnë se vrasja ka ndodhur mbarëm në mes të fshatit Dobratin dhe Smallushë të komunës së Lipjanit.
Strukturat rajonale për hetimin e krimit me një intensitet të shtuar menjëherë kanë filluar ndërmarrjen e një varg veprimesh operative dhe hetimore për të ndriçuar dhe sqaruar të gjitha rrethanat që kanë të bëjnë me këtë vrasje.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Prizren: Arrestohen 5 persona për trafikim dhe prostitucion

Mesazh nga Agim Gashi prej Sun May 03, 2009 10:46 pm

Prizren: Arrestohen 5 persona për trafikim dhe prostitucion

Nën dyshimin se kanë kryer vepra penale të trafikimit me qenie njerëzore dhe prostitucion, Policia e Kosovës ka arrestuar pesë persona në lagjen "Arbana" në qytetin e Prizrenit. Siç njofton policia, në mesin e të arrestuarve janë tri femra bullgare dhe dy shqiptarë. Zyrtarët e policisë njoftojnë se ky kontroll është realizuar për arrestimin e personave të dyshuar që merren me veprimtari të kundërligjshme si trafikim me njerëz dhe mundësim në prostitucion.
Pas zhvillimeve të hetimeve intensive dhe implementimit të operacionit të koduar me emrin “Dhelpra” u arrestuan këta persona me dyshimin e bazuar se të njëjtit kanë kryer veprat penale trafikim me njerëz dhe mundësim i prostitucionit. Gjatë këtij aksioni policia ka konfiskuar edhe prova materiale që do të nevojiten për procesin e dëshmimit gjatë realizimit të stadeve të procedurës penale kundër të dyshuarve.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Mon May 04, 2009 9:07 pm

Arrestohen tre të dyshuar për vrasje

Një ditë pasi është gjetur i vdekur, N. Hajrizi nga Komuna e Lypjanit, policia ka arritur t`i kapë tre të dyshuar. Të dyshuarit M.B. (25 vjeç), B.B. (27 vjeç) dhe G.R. (31 vjeç) me urdhër të prokurorit është dërguar në Qendren Rajonale të Paraburgimit në Prishtinë.

“Pas ekzaminimit fillestarë dhe rezultateve të para të hetimit, hetuesit rajonal kanë ngritur dyshimin se vdekja e viktimës është shkaktuar dhunshëm, dhe bëhet fjalë për një vrasje të rëndë, ku ka humbur jetën viktima (mashkull) N. Hajrizi 47 vjeç, nga fshati Gumnasellë – KK Lipjan, trupi i të cilit është tërësisht i karbonizuar”, njoftoi policia.

Gjendet një i vdekur në Lipjan

Në mes të fshatit Dobratin dhe Smallushë të komunës së Lipjanit është gjetur një trup i pajetë që dyshohet të jetë trup mashkulli.

“Menjëherë pas marrjes së informacionit në vendin e ngjarjes kanë dalë të gjitha njësitë e nevojshme policore, të mbështetura nga njësiti rajonal për hetimin e krimeve, ekipi mjekësor si dhe njësitë e tjera për ekzaminim të vendngjarjes të cilat pas ekzaminimit fillestarë dhe rezultateve të para të hetimit kanë ngritur dyshimin se vdekja e viktimës, rreth 30 vjeç është shkaktuar dhunshëm”, thuhen në një komunikatë të policisë së Kosovës.

Strukturat rajonale për hetimin e krimit me një intensitet të shtuar menjëherë kanë filluar ndërmarrjen e një varg veprimesh operative dhe hetimore për të ndriçuar dhe sqaruar të gjitha rrethanat që kanë të bëjnë me rastin.

Për shkak të vështirësive që ka hasur policia në identifikimin e viktimës, lusim të gjithë ata persona të cilët kanë njohuri për rastin si dhe të gjithë familjarët të cilëve ditëve të fundit u mungon ndonjë familjar me karakteristikat e sipërshënuara t’i drejtohen stacionit më të afërt policor ose të drejtohen në njësinë rajonale për hetimin krimeve në Prishtinë.g
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Plaçkitet Procredit Bank

Mesazh nga Agim Gashi prej Thu Jun 11, 2009 2:02 pm

Plaçkitet Procredit Bank

Sot është plaçkitur nëndega e ProCredit Bank-ës në Prishtinë, nuk ka të lënduar.


Vlen të theksohet se shuma e cila është plaçkitur është shumë e vogël.


PRISHTINË- Nëndega e ProCredit Bank-ës e cila gjendet në Rr. Agim Ramadani në Prishtinë, është plaçkitur gjatë ditës së sotme. Nuk ka të lënduar as nga ana e punonjësve e as nga ana e klientëve të bankës.

ProCredit Bank siguron klientët e saj që nuk ka vend për panik dhe shqetësim pasi që të gjitha mjetet e bankës janë të siguruara plotësisht bazuar në rregullat në fuqi në Kosovë.
Vlen të theksohet se shuma e cila është plaçkitur është shumë e vogël.Sipas zëdhënësit Arbër Beka ende nuk dihet shuma e të hollave të grabitura. Zëdhënësi Beka thotë se policia po e heton rastin.
Kohën e fundit janë shtuar rastet e sulmeve të bankave në vendin tonë.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Policia Kufitare konfiskoi dokumente të dyshimta për falsifikim

Mesazh nga Agim Gashi prej Tue Jun 16, 2009 9:25 am

Policia Kufitare konfiskoi dokumente të dyshimta për falsifikim

Në bagazhin e automjetit që e drejtonte serbi D. Stojanoviq, është gjetur një pako me një sasi të konsiderueshme të dokumenteve të ndryshme të administratës civile të Serbisë.


Pika kufitare në Merdarë afër Podujevës


Mëngjesin e së hënës, rreth orës 6.30 min. derisa policia kufitare ishin duke i kryer punët e tyre nga drejtimi Serbi - Kosovë në pikën kufitare në Merdarë, ka ndalur automjetin e udhëtarëve Golf-CL ngjyrë e kuqe të cilën e drejtonte, serbi D. Stojanevic, nga Nishi i Serbisë. Gjatë kontrollimit të veturës në bagazhin e automjetit është gjetur një pako me dokumente të ndryshme të administratës civile. Në këtë pako kishte targa të automjeteve në PR, pasaporta të Republikës së Serbisë, disa kartonë për dhënien e letërnjoftimeve të Republikës së Serbisë, letërnjoftime të Republikës së Serbisë, disa dokumentacione për ndërrim dhe lajmërim të vendbanimeve etj, për të cilat nuk posedonte kurrfarë autorizimi
Lidhur me rastin menjëherë janë lajmëruar Hetimet e Policisë Kufitare. Është informuar prokurori dhe me urdhër të prokurorit sendet (dokumentacioni i dyshuar) është konfiskuar për të vazhduar procedurat e mëtutjeshme. I dyshuari D. Stojanovic është intervistuar dhe me urdhër të Prokuror Komunal në Prishtinë i njëjti është liruar në procedurë të rregullt, ndërsa ndaj tij do të ushtrohet kallëzim penal për dyshim të falsifikimit të dokumenteve dhe njëkohësisht do të bëhet edhe verifikimi i tyre.
(Policia e Kosovës)
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Shqipëri:Policia e Shtetit komenton raportin e OKB për drogën në Shqipëri

Mesazh nga Agim Gashi prej Thu Jun 25, 2009 9:46 pm

Shqipëri:Policia e Shtetit komenton raportin e OKB për drogën në Shqipëri

Raporti identifikon faktin se Shqipëria nuk është më pjesë e rrugës Ballkanike të tranzitit të drogës.



Zëdhënësi i PSH-së,Klodian Branko tha se Policia e Shtetit përshëndet raportin e OKB

Tiranë-Drejtoria e Përgjithshme e Policisë së Shtetit, ka komentuar sot, Raportin Botëror të OKB-së (Organizata e Kombeve të Bashkuara) mbi drogat, i cili është publikuar ditën e djeshme.
Zëdhënësi Klodian Branko tha se Policia e Shtetit përshëndet këtë raport për vlerësimin realist të gjendjes në Shqipëri. “Me kënaqësi konstatojmë se ky raport shprehet se “roli i Shqipërisë si një vend eksportues i kanabisit në përgjithësi ka rënie”.
Raporti konstaton se vetëm 3% e vendeve përmendin Shqipërinë si eksportuese, si dhe se sekuestrimet e kanabisit me prejardhje nga Shqipëria janë mjaft të rralla në 5 vitet e fundit”, - evidentoi Branko.
Raporti identifikon faktin se Shqipëria nuk është më pjesë e rrugës Ballkanike të tranzitit të drogës.
Në këtë drejtim, për shkak të punës së strukturave të specializuara të luftës kundër narkotikëve, në bashkëpunim edhe me policitë homologe të këtyre vendeve, gjatë viteve të fundit ka një rënie të sasive te heroinës së tranzituar dhe një rritje të sekuestrimeve brenda vendit, fakt i cili evidentohet në këtë raport.
Për sa i përket kokainës, ajo vjen nga vendet e Amerikës. Sasitë e tranzituara janë relativisht të vogla dhe policia shqiptare ka arritur rezultate të mira në këtë drejtim, duke rritur vit pas viti sasitë e sekuestruara.
Në lidhje me drogat sintetike, raporti vë në dukje faktin se gjendja në Shqipëri tregon stabilitet.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Një 34-vjeçar ekzekutohet për një parakalim

Mesazh nga Agim Gashi prej Sat Jun 27, 2009 10:41 pm

Një 34-vjeçar ekzekutohet për një parakalim

Durim Sinani, është qëlluar me një plumb në kokë teksa po parakalonte një veturë tjetër, në rrugën Peqin-Rrogozhinë.



Ka parakaluar një automjet, por kjo i ka kushtuar jetën. Durim Sinani, 34 vjeç, është vrarë me një plumb në kokë teksa udhëtonte me mjetin e tij në aksin rrugor Peqin-Rrogozhinë, tek superstrada, në afërsi të kthesës së Gjocajt. Ngjarja e rëndë është regjistruar dje, kur babai i tre fëmijëve teksa udhëtonte me veturën tip “BMV”, me targa TR 4455 R, është qëlluar në ecje dhe për pasojë plumbi e ka marrë në pjesën e kokës. Nga kjo goditje Sinani ka humbur drejtimin e mjetit, duke u përplas me bordurën anësore. Menjëherë ai është transportuar me ambulancë drejt spitalit kirurgjik të Elbasanit ku është futur në sallën e operacionit. Përpjekjet e mjekëve kanë qenë të kota dhe pas rreth një ore Sinani ka vdekur në spital. Policia ka identifikuar autorin e krimit, i cili rezulton të jetë Taulant Sallufi, 25-vjeçar, banor i Peqinit, i cili është shpallur në kërkim. Ndërkohë, për të zbardhur më tej ngjarjen po merren në pyetje tre personat që ishin në makinë me viktimën.
Edhe burimet zyrtare të policisë bëjnë të ditur se një plumb i ka marrë jetën Durim Sinanit, teksa ky i fundit po lëvizte me mjetin e tij në aksin Peqin-Rrogozhinë. Ai po kthehej pasi kishte qenë tek prindërit e tij në Lisnajë për të shkuar pranë familjes në Golem të Kavajës. Baba i tre fëmijëve kishte një aktivitet privat transporti. Ai zotëronte disa mjete të tonazhit të rëndë për transport. Konflikti dyshohet se ka ardhur si pasojë e një parakalimi nga ana e viktimës që ka sjellë edhe reagimin e autorit Taulant Sallufi. 25-vjeçar me një armë zjarri e ka qëlluar nga mjeti tjetër teksa ishte në lëvizje. Goditja ka qenë fatale në pjesën e kokës. Policia rrugore bashkë me atë kriminale kanë mbërritur shpejt në vendin e ngjarjes dhe kanë konstatuar vrasjen, e cila fillimisht u mendua të ishte aksident.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Përgjak shtëpinë, vret vjehrrin, vjehrrën, djalin e më pas edhe veten

Mesazh nga Agim Gashi prej Fri Jul 03, 2009 6:14 pm

Përgjak shtëpinë, vret vjehrrin, vjehrrën, djalin e më pas edhe veten

Ngjarja e rëndë ka ndodhur në një familje në kryeqytet që banon pas godinës së fakultetit të Mjekësisë.



Burime zyrtare nga policia thanë se krimi ndodhi në familjen Gjoni, kur kryefamiljari Azbi Gjoni 79-vjeç është qëlluar nga dhëndëri i tij Petrit Zaimi 40-vjeç. Sipas policisë pasi ka qëlluar vjehrrin, Zaimi ka qëlluar edhe vjehrrën e tij Nadire Gjoni 65-vjeçe dhe më pas ka qëlluar veten.Por bilanci i viktimave në këtë familje është rritur kur plumbat kanë prekur djalin e autorit Klevis Zaimi 16-vjeç, i cili ndërroi jetë sapo mbërriti në spital.

TIRANË- Një ngjarje e rëndë është shënuar pak më parë në kryeqytet. Një person pasi ka vrarë vjehrrin, vjerrën dhe djalin e tij, ka drejtuar armën drejt vetes duke i dhënë fund jetës.
Ngjarja e rëndë ka ndodhur sot në një familje në kryeqytet që banon pas godinës së fakultetit të Mjekësisë. Nga të dhënat paraprake të policisë së Tiranës mësohet se autori i vrasjes Petrit Zaimi, ka qëlluar me pistoletë tip TT anëtarët e familjes së Hazbi Gjonit, duke lënë të vdekur tre shtetas dhe një të plagosur rëndë. Më pas autori i krimit ka drejtuar armën drejt vetes duke i dhënë fund jetës. Policia kur ka mbërritur në vendgjarje ka gjetur dy trupa pa jetë dhe dy të plagosur të cilët i ka transportuar menjëherë në urgjencën e QSUT që ndodhet shumë pranë vendit të ngjarjes.
Të dhënat nga i njëjti burim kanë zbuluar deri tani se bëhet fjalë se autori i krimit dhe viktima kanë lidhje krushqie, dhëndërr vjehërr. Debati duket se ka lindur në rrugë pranë banesës së Gjonajt. Dhëndrri pasi është grindur me vjehrrin, Hazbi Gjonaj e ka gjuajtur më armë duke e lënë të vdekur atë dhe plagosur vjehrrën, shtetasen Nadire Gjonaj. Ndërkaq nga të shtënat e armës është plagosur edhe djali i autorit, me iniciale K.Z. 13-vjecari ndërroi jetë gjatë rrugës për në spital. Duket se autori i krimit nuk ka duruar dot krimin që ka kryer dhe mënjeherë ka drejtuar armën nga vetja duke i dhënë fund jetës së tij. Policia po vazhdon hetimet për zbardhjen e plotë të ngjarjes. "Dyshohet se motiv i këtij krimi, të jetë divorci i autorit nga bashkëshortja, i cili në momente depresioni ka qëlluar me armë zjarri tip pistoletë në drejtim të prindërve të saj Azbi dhe Nadire Gjoni” thanë burimet zyrtare të policisë së kryeqytetit. Policia po vazhdon hetimet për të zbardhur me saktësi rrethanat dhe mekanizmin e kësaj ngjarjeje të rëndë.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Kukës, sulmohet familja kosovare

Mesazh nga Agim Gashi prej Tue Jul 07, 2009 9:49 pm

Kukës, sulmohet familja kosovare
Dy grabites të pamaskuar kane ndalur mjetin me te cilin udhëtonin kosovaret në vendin e quajtur Ura e Rexhepajt në Kukës, dhe në tentativë për të marrë nje nga femijët kanë qëlluar duke plagosur nenen 28 vjecare. Gruaja ndodhet ne spital ne gjendje te rende. Familja udhëtonte për pushime në Durrës

Nga Express

Një familje kosovare që vinte në Shqipëri për të kaluar pushimet ne qytetin e durresit. Dy grabites të pamaskuar kane ndalur mjetin me te cilin udhëtonin kosovaret në vendin e quajtur Ura e Rexhepajt në Kukës, dhe në tentativë për të marrë nje nga femijët kanë qëlluar duke plagosur shtetasen 28 vjecare, Makfine Berisha. Policia ka shoqëruar disa persona si autorë të mundshëm të ngjarjes.

Ngjarja e rëndë ka ndodhur sot rreth orës 03:00 të mëngjesit kur shtetasja Makfine Berisha së bashku me dy fëmijët dhe vëllain e saj po udhëtonte në drejtim të Durresit për pushime. Shumë pranë vendit të quajtur Ura e Rexhepajt, pjesë e aksit Tiranë-Kukës-Morinë, dy të rinj të armatosur kanë ndalur makinën dhe kanë tentuar të rrëmbejnë djalin 8 vjecar të Makfine Berishës. Nga dëshmitë e pasagjerëve të makinës, ata nuk kanë kërkuar para apo sende të çmuara, por vetëm djalin vogël. Makfine Berisha ka ndjekur agresorët dhe ka tentuar tu rrëmbejë djalin e saj. Pasi e ka marrë djalin në krahë me forcë, njëri prej tyre ka shtënë me armë në drejtim të saj pas shpine duke e plagosur rëndë. 28 vjecarja ndodhet në spitalin rajonal të Kuësit në gjendje të rëndë, por mjekët sigurojne se është jashtë rrezikut për jetën. Pasagjerët e tjerë janë akomoduar në Kukës dhe po presin përmirësimin e gjendje se Berishës.

Dëshmitarët thanë se agresorët kanë qënë të pamaskuar ndaj policia e cila mbërriti në vendngjarje pas ka mësuar më shumë rreth pamjes së tyre fizike ka nisur menjëherë hetimet. Sipas policisë së Kukësit në orën në vazhdim janë bërë shoqërime të disa personave si autorë të mundshëm të ngjarjes. Policia po punon për zbardhjen e rrethanave të ngjarjes së rëndë.(BWeb)
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Arrestohet për herë të dytë Kryetari i Kaçanikut, Xhabir Zharku

Mesazh nga Agim Gashi prej Wed Jul 08, 2009 9:09 pm

Arrestohet për herë të dytë Kryetari i Kaçanikut, Xhabir Zharku







Kryetari i Komunës së Kaçanikut, Xhabir Zharku

Është arrestuar për herë të dytë Kryetari i Komunës së Kaçanikut, Xhabir Zharku (PDK) për shkak se ka kërcënuar dëshmitarët e procesit të tij gjyqësor. Kjo është bërë e ditur nga Policia e Kosovës, e cila ka asistuar Policisë së EULEX-it për arrestimin e Zharkut.
Urdhri për arrestimin e kreut të Komunës së Kacanikut ka ardhur nga Gjykata Supreme e Kosovës, e cila është duke e hetuar veprat penale të Zharkut. Ky i fundit ishte arrestuar para disa muajsh nën dyshimin se ka kryer vepra penale të rrëmbimit dhe detyrimit.
‘Policia e Kosovës i ka asistu policisë së EULEX`it për të realizuar një urdhëresë të lëshuar nga Prokuroria Speciale e Kosovës. Tre persona të dyshuar janë arrestuar, njëri prej tyre është kryetari i Kaçanikut, Xhabir Zharku”, ka thënë për Zëdhënësi i Policisë, Arbër Beka.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Gjendet një foshnje e braktisur e vdekur në veri të Mitrovicës

Mesazh nga Agim Gashi prej Thu Jul 09, 2009 11:11 pm

Gjendet një foshnje e braktisur e vdekur në veri të Mitrovicës

Mitrovicë, 8 korrik - Mbrëmë rreth orës 20:00 është gjetur një foshnjë e braktisur në rrugën "Mbreti Petër" në veri të Mitrovicës, njoftoi Besim Hoti, zëdhënës i Policisë rajonale në Mitrovicë. Zyrtarët policor të stacionit veri e kanë marrë njoftimin nga dy qytetarë të nacionalitetit rom, të cilët kanë raportuar për gjetje të një foshnje të braktisur, por të vdekur. Ata kanë deklaruar se në kohën kur ishin në kërkim të metaleve të vjetra, kanë gjetur foshnjën e braktisur të vendosur në një copë kartoni, ndërsa menjëherë i kanë njoftuar autoritetet policore. Në vend të ngjarjes ishin edhe hetuesit rajonalë të sektorit për hetime të krimeve të rënda, së bashku me teknikët e kriminalistikës dhe Prokurorin e Prokurorisë së Qarkut në Mitrovicë. Ekipi i ekspertëve të Mjekësisë Ligjore nga Prishtina është ftuar në vend të ngjarjes, ndërsa me autorizim të Prokurorit publik, trupi i pajetë i foshnjës është dërguar në Institutin e Mjekësisë Ligjore në Prishtinë për autopsi. Policia ende nuk ka informacione se kush e ka braktisur foshnjën. Hetuesit policorë janë në pritje të raportit zyrtar të ekspertëve mjekoligjor lidhur me rastin.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Varrimi i 2 kushërijve, vdiqën teksa nxirrnin skrap

Mesazh nga Agim Gashi prej Fri Jul 10, 2009 2:15 pm

Varrimi i 2 kushërijve, vdiqën teksa nxirrnin skrap

Përcillen për në banesën e fundit 2 nga 5 kushërinjtë që gjetën vdekjen teksa nxirrnin hekur për skrap në ish-depot e mistrit në periferi të qytetit të Ersekës. Në gjëndje të rëndë një nga tre të plagosurit që ndodhen në spitalin e Korcës.



Tragjedi e rëndë në Ersekë.

ERSEKE- Një derë morti është hapur për dy kushërinjtë që gjetën vdekjen dje pasdite teksa nxirrnin hekur për skrap në ish-depot e mistrit në periferi të qytetit të Ersekës.
Fatjon Shkoza, djaloshi 22 vjecar do të bëhej pas pak muajsh babai i një fëmije të dytë. Shpëtimit 12 vjec, hekurishtet ia ndërprenë jetën në mes. Ndërsa për vajzen 10 vjecare, K. Shkoza njëra nga tre te plagosurit jeta në këto momente varet në fije të perit, pasi ka pësuar dëmtime të rënda në kokë. Tre kushërinjtë e tjerë, Altin Shkoza 23 vjec, E.Shkoza 12 vjec, K. Shkoza 10 vjeç ndodhen nën mbikëqyrjen e mjekeve në spitalin e Korcës.
Mbledhja e hekurishteve për t’i shitur më pas për skrap ishte e vetmja mënyrë që familjet e fisit Shkoza kishin për të mbijetuar. Xhaxhai i njërit prej fëmijëve tregon se familjet merrin nga shteti vetëm një asistencë rreth 2 mijë lekëshe në muaj.
Varfëria
Godinat e braktisura në ish- zonën industriale të Ersekës, dikur depo të mistrit duhej të kishte qenë vendburim i mirë për të nxjerrë hekurin, që më pas do e shisnin për skrap. Edhe dje pasdite djelmoshat kanë hyrë brenda në ish- magazinë dhe duke mos ditur rrezikun që i kanosej, kanë goditur me vare pjesët e betonit të tarracës e cila është rrëzuar së bashku me një pjesë të mureve anësore duke i zënë brenda të 5 kushërinjtë, 3 prej tyre të mitur.

Ato që njihnin familjen Shkoza dëshmonin se fëmijët vinin shpesh për të mbledhur skrap në atë zonë. Punëtoret e një zdrukthtarie aty pranë kanë qenë të parët që kanë dëgjuar shembjen dhe i janë afruar objektit të rrënuar.“Dëgjonim zëra poshtë dhe mundoheshin të ecnim rreth e rrotull rrënojave në përpjekje se mos shihnim ndonjë trup. Ndërsa njoftuam dhe policinë për ngjarjen” – dëshmon një nga punëtorët i cili kishte parë skenën.
Vetëm falë ndërhyrjes së zjarrfikëses,
është bërë e mundur nxjerrja e trupave të fëmijëve nga rrënojat. Nga hetimet rezulton se djelmoshat kanë goditur me mjete të forta edhe masivit të betonit dhe rënies së qëndrueshmërisë së tarracës, ka lëvizur konstrukti i mureve duke zënë poshtë të 5 personat. Për Fatjonin dhe Shpëtimin nuk do ketë më jetë të varfër, ndërsa 3 kushërinjtë e tjerë, sapo të dalin nga spitali do i rikthehen sërish mbledhjes së hekurit nëse shteti nuk i ofron ndonjë ndihmë. Ndoshta do t’u duhet të rikthehen dhe te zona e ish-depove te misrit aty ku nën rrënoja për disa minuta panë vdekjen me sy.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Mali i Zi:Detyrim seksual në këmbim të shërbimeve mjekësore

Mesazh nga Agim Gashi prej Fri Jul 10, 2009 2:16 pm

Mali i Zi:Detyrim seksual në këmbim të shërbimeve mjekësore





Ky është skandali që ka tronditur rajonin e Malit të Zi dhe Serbisë. Policia e cituar nga e përditshmja e Podgoricës “Vijesti” ka thënë se mjeku 49-vjeçar, Mladen Ivanisevic, i punësuar te Shtëpia e Shëndetit në Tivat, është arrestuar nën akuzën e mbërritur pas denoncimit të pacientes 24-vjeçare I.G. nga Kovini (Vojvodinë), dhe burrit të saj M.G., se ua paguante shërbimet mjekësore me seks oral.
Dr. Ivaniseviç, nga Podgorica, akuzohet për vepër penale të ‘tregtimit me njerëz’, ndërkohë që përveç tij, pas kallëzimit penal të I.G., janë arrestuar edhe 27-vjeçari Boris Cukic dhe 24-vjeçari Tihomir Rajic, për shkak të dyshimit se kanë kryer dhunim, njoftoi Drejtoria vendore Policisë.
“I.G. erdhi dje në stacionin policor në Tivat dhe lajmëroi se në qershor të vitit 2008 ishte njohur me mjekun M.I. nga Tivati, i cili shërbimet e tij mjekësore nuk ia faturoi si secilës shtetase të huaj, por i propozoi që të shkonte në banesën e tij dhe si këmbim ajo t’i ofronte shërbimin e seksit oral, me çka ajo ishte pajtuar”, thuhet në kumtesë.
Sipas G.I. mjeku Ivanisevic, gjatë takimeve me qëllim të ofrimit të shërbimeve seksuale i paguante ato me nga 20 euro, përfshirë edhe premtimin se asaj dhe burrit do t’ua rregullonte letërnjoftimet, pasaportat dhe librezat shëndetësore.
Gjithashtu, dyshohet se mjeku, duke e ditur gjendjen e tyre të vështirë ekonomike, bashkëshortëve u kishte premtuar edhe një hua prej 35 000 eurosh, sapo të shiste shtëpinë e tij në Bosnje dhe Hercegovinë.
Madje, i kishte premtuar M.G. edhe se do t’i gjente një blerës për veshkën e tij. Ndërkohë, M.I. e kishte njoftuar burrin e I.G. se kishte gjetur blerësin e veshkës, i cili për të do të paguante një shumë mes 40 000 dhe 50 000 euro.
Rrjedhimisht, bashkëshortëve ua kishte dhënë numrin e telefonit dhe të dhënat personale të blerësit, të cilin I.G. nuk kishte mundësi ta merrte asnjëherë në atë numër, sqaroi policia.
Sipas deklaratave të bashkëshortëve, dyshohet se dr. Ivanisevic, i cili i kishte mashtruar me premtime, kishte kërkuar që edhe M.G. ta kënaqte moralisht, dhe se ky kishte pranuar!
Po ashtu, dyshohet se mjeku, i cili të premten (sot) do t’i dorëzohet gjykatësit hetues të Gjykatës së Lartë në Podgoricë, bashkë me akuzën për vepër penale, disa herë e kishte shfrytëzuar I.G edhe për prostitucion, për ofrimin e shërbimeve seksuale për nevojat e miqve të tij, ndërsa ata për këtë gjë paguanin nga 20 euro.
Bazuar në kallëzimin e I.G. policia ka arrestuar edhe tivatasit Cukic dhe Rajic, të cilët ajo i akuzon se të martën e kishin dhunuar në parkingun e lagjes “Brdista”.
Siç dyshohet, ata e kanë bërë këtë gjë duke e detyruar I.G. që ta kënaqte njërin oralisht, kurse me tjetrin kishte marrëdhënie seksuale.
“Para se ta dërgonin në lagjen Brdista, I.G., siç dyshohet, me njërin prej tyre kishte bërë një marrëveshje parapake për marrëdhënie vullnetare seksuale, gjegjësisht për ofrimin e shërbimeve orale për një çmim prej 20 eurosh”, sqaruan në polici.
Pohimet e Rajic dhe Cukic tashmë u është dorëzuar vendimi për paraburgosje, pas së cilës gjë, bashkë me kallëzimet penale do t’i dorëzohen gjykatësit hetues të Gjykatës së lartë në Podgoricë.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Mbyten në Gjirin e Lalzit xhaxhai me nipin

Mesazh nga Agim Gashi prej Fri Jul 10, 2009 2:17 pm

Mbyten në Gjirin e Lalzit xhaxhai me nipin

Fillimisht u gjet trupi i pajetë i 39-vjeçarit, Bardhyl Zeqollari, ndërkohë që trupi i nipit të tij, u gjet më shumë se dy orë pas ngjarjes. Trupi i 15-vjeçarit, Albanit u nxorr në breg nga polombarët.



"Uji ka nxjerrë në breg shtetasin 39 vjeçar"- thanë burimet policore.

DURRËS- Dy persona kanë humbur jetën në detin e Durrësit, në rrethana që ende janë të paqarta për policinë. Fillimisht u gjet trupi i pajetë i 39-vjeçarit, Bardhyl Zeqollari, ndërkohë që trupi i nipit të tij, u gjet më shumë se dy orë pas ngjarjes. Trupi i 15-vjeçarit, Albanit u nxorr në breg nga polombarët.
"Uji ka nxjerrë në breg shtetasin 39 vjeçar"- thanë burimet policore, menjëherë pas ngjarjes, të cilët shtuan se është kërkuar ndihma e polombarëve për të bërë të mundur gjetjen e trupit të adoleshentit, madje janë nisur edhe polombarë nga Tirana drejt vendit ku ndodhi ngjarja, drejt Gjirit të Lalëzit.
Mësohet se së bashku me viktimat ka qenë edhe nipi tjetër i Zeqollarit, vëllai i 15-vjeçarit, Armandi, i cili ndodhet në gjendje të rënduar psikike për shkak të ngjarjes që ka parë. Ai ende nuk ka arritur të tregojë për policinë se në çfarë rrethanash u përpinë nga uji vëllai dhe i afërmi i tij.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Shembet tarraca, 2 të vdekur, 3 të plagosur

Mesazh nga Agim Gashi prej Fri Jul 10, 2009 2:18 pm

Shembet tarraca, 2 të vdekur, 3 të plagosur



ERSEKË- Kanë qenë duke mbledhur hekur për ta shitur për skrap, kur tarraca e ndërtesës i ka zënë poshtë dhe ka lënë të vdekur dy prej tyre dhe plagosur tre të tjerë. Ngjarja e rëndë ndodhi sot pasdite në magazinat e ish Ndërmarrjes së Grumbullimit, në qytetin e Ersekës, në afërsi të fshatit Psar, në momentin që pesë të rinjtë, të moshës 10-21-vjeç po mblidhnin mbeturina hekuri për t'i shitur.
Sipas burimeve të policisë, nga shembja e tarracës gjeti vdekjen 21 vjeçari Fatjon Shkoza dhe 12-vjeçari Sh. Shkoza.
Ndërkohë që të plagosur mbetën Altin Shkoza, 23-vjeç; E. Shkoza, 12-vjeç dhe
K. Shkoza, 7-8 vjeç.
Menjëherë pas ngjarjes kanë ndërhyrë forcat e policisë dhe zjarrfikëses, që kanë bërë të mundur nxjerrjen e trupave nga rrënojat dhe vetëm tre prej tyre kanë shpëtuar gjallë. Ata janë transportuar për në Spitalin Rajonal të Ersekës dhe më pas për kujdes më të specializuar në Spitalin Rajonal të Korçës. Sipas mjekëve, mësohet se ata janë jashtë rrezikuar për jetën.
Policia pasi ka bërë hetimet në vendin e ngjarjes ka konstatuar se tarraca është shembur si pasojë e punimeve të kryera në ndërtesë, të cilat kanë dëmtuar konstruktin mbajtës të saj.
Vetëm pak kohë më parë, një tjetër fëmijë në Shkodër gjeti vdekjen, pasi u zu poshtë nga një kamion mbeturinash, teksa ishte duke kontrolluar në plehra. Punë, që e bënte për të nxjerrë bukën e gojës.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Kishte vjedhur kishat serbe

Mesazh nga Agim Gashi prej Sat Jul 11, 2009 11:49 am

Kishte vjedhur kishat serbe

Albulena Neziri, Bota Sot
Arrestohet një hajn serb




Zyrtarët e Policisë së Kosovës të rajonit të Gjilanit njoftuan për kryerjen e disa hetimeve dhe arrestimin e dy hajnave që grabitnin me dhunë zinxhirë ari dhe gjësende me vlerë nga femrat kalimtare. Njëri prej të arrestuarve ëshë një serb lokal që ka vjedhur dhe dëmtuar kishat nëpër lokalitetet e regjionit të Gjilanit. Arrestimi hajnit të kishave dhe i dy grabitësve është bërë i ditur të premten nga zyrtarët policor të Gjilanit gjatë konferencës së rregullt javore të Policisë së Kosovës në Prishtinë. Shefi i hetimeve në stacionin policor të Gjilanit, toger Muhamet Hyseni tha se në periudhën e fundit nga dy persona kanë ndodhur 14 grabitje të dhunshme dhe kryesisht viktimë në këto raste kanë qenë femrat. Ndërkaq, zëdhënësi i policisë së rajonit të Gjilanit, toger Ismet Hashani tha se policia edhe pse ka pasur një staf bukur të zvogëluar në këtë regjion për diku 16 muaj, prapë ka arritur të realizoj objektivat e veta dhe punët operative. Ai shtoi se përveç rastit të fundit të grabitjeve, shqetësuese kanë qenë edhe vjedhjet e veturave, por edhe vjedhja dhe dëmtimi i kishave nëpër lokalitetet e ndryshme të Gjilanit, e cila ka ndodhur në kontinuitet dhe së paku 7 raste nga një serb lokal.
Ndërsa, toger Hashani bëri të ditur se totali i rasteve të raportuara gjatë vitit 2009 në rajonin e Gjilanit arrin në 1 mijë e 840 raste, që krahasuar me periudhën e njëjtë të vitit të vitit të kaluar është për 17 për qind më i vogël. Sipas statistikave, njësiti i hetimeve rajonale i ka hetuar 177 raste të ndryshme kriminale, prej tyre 128 raste tani janë mbyllur dhe në fakt janë nënshkruar kallëzimet penale dhe të gjitha janë dërguar në prokuroritë përkatëse, ndërsa diku edhe 49 raste të tjera janë ende nën hetime. Gjatë kësaj periudhe kohore me urdhër të lëshuar nga gjykata njësiti i hetimeve ka kryer 21 kontrolle të shtëpive, banesave dhe objekteve të ndryshme përcjellëse, dhe me këtë rast janë gjetur armë, municione dhe lënde të ndryshme narkotike, kurse për vepra të ndryshme penale janë arrestuar edhe 35 persona që dyshohet se kanë qenë të involvuar në veprat e përmenda më lart përfundoi Hashani.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Vlorë: Dallgët 'përpijnë' babë e bijë

Mesazh nga Agim Gashi prej Sun Jul 12, 2009 10:37 pm

Vlorë: Dallgët 'përpijnë' babë e bijë





Tragjedi në Vlorë, mbyten në dallgë atë e bijë, rëndë dy të tjerë

Tragjedi me dy të vdekur në Vlorë, pasi natë e bijë të një familjeje nga Fieri, u mbytën dukeu larë në detin Jon.Ngjarja i mori jetën 40-vjeçarit Kudret Çepele dhe vajzës së tij 15-vjeçare Erisona, ndërkohë që në spital për shkak të lëndimeve përfunduan dhe pjesëtarët e tjerë të familjes.Kudret Çepele lindur në fshatin Bishan, komuna Novoselë dhe me banim në Fier, së bashku me të shoqen, djalin dhe vajzën e tyre, kanë shkuar të kalojnë të dielën në plazhin te vendi i quajtur “Delisuf”.
Ka qenë ora 10.30 kur Erisona dhe vëllai i saj 12 vjeçar, ishin duke u larë në det, kurse dy prindërit e tyre po qëndronin në çadër.Në një moment, dallgët kanë rrëmbyer fëmijët. Skena është parë nga babai 40 vjeçar Kudreti dhe bashkëshortja e tij 37 vjeçare dhe menjëherë, ata kanë rendur të shpëtojnë fëmijët.Kudreti, ka arritur të nxjerrë në breg të birin 12 vjeçar dhe pasi e la të sigurt në rërë, rendi sërish në det për të marrë të bijën të cilën po tentonte ta shpëtonte e ëma.Por dallgët kanë qenë fatale sepse ato kanë rrëmbyer fatalist babë e bijë ndërsa i pari përpiqej të shpëtonte fëmijën e tij dhe jeta e tyre u shua, pa mundur dot të ndihmohen nga askush.Në det janë futur shumë plazhistë, pushues të rastit dhe ata kanë arritur të nxjerrin nga deti nënën 37 vjeçare që humbi në det të shoqin dhe vajzën, por në gjendje koma.Mbërritja e policisë, ka qenë vetëm një formalitet. Ata, së bashku me mjekun ligjor, kanë nxjerrë trupat dhe kanë konfirmuar vdekjen e atë e bijë, nga mbytja si pasojë e përfshirjes nga dallgët.Ndërkohë, në gjendje kritike për jetën, është dërguar në spital 37-vjeçarja e cila sipas mjekëve ka pësuar dëmtime të rrugëve të frymëmarrjes si pasojë e përfshirjes nga dallgët.Gjithashtu në gjendje serioze gjendet në spital, djali 12 vjeçar, por mjekët thanë se aktualisht, ai është jashtë rrezikut për jetën.(NOA)
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Aksident në Kakavijë, vdes 21 vjeçari

Mesazh nga Agim Gashi prej Mon Jul 13, 2009 9:56 pm

Aksident në Kakavijë, vdes 21 vjeçari

Një 21 vjeçar ka ndërruar jetë në spitalin e Gjirokastrës pa mundur t’i rezistojë plagëve të marra nga përplasja me një makinë.



Shtetasi Gramoz Dervishi , udhëtonte nga Athina për në Elbasan , ndërsa shtetasi Tauland Topalli , udhëtonte nga fshati Vrisera për në fshatin Bodrishtë pasi aty punonte si bari me delet e këtij fshati.

Sipas komunikatës së policisë së qarkut Gjirokastër mësohet se shtetasi Tauland Topalli po udhëtonte me biçikletë në aksin rrugor Gjirokastër - Kakavije, në afërsi të fabrikës së qumështit “Gjirofarma”, kur automjetit tip Nisan me targa greke YPE 5046 , që drejtohej nga shtetasi Gramoz Kamber Dervishi e ka goditur.
Si pasojë e kësaj i riu është dërguar menjëherë në spital për të marrë ndihmën e parë por ka mbyllur sytë vetëm pak orë pas aksidentit të rëndë.
Grupi hetimor ka konstatuar se shkaku i këtij aksidenti ka qenë shkelja e rregullave të qarkullimit rrugor nga drejtuesi i automjetit tip Nisan me targa greke.
Shtetasi Gramoz Dervishi , udhëtonte nga Athina për në Elbasan , ndërsa shtetasi Tauland Topalli , udhëtonte nga fshati Vrisera për në fshatin Bodrishtë pasi aty punonte si bari me delet e këtij fshati.
Nga ana e policisë u bë arrestimi në flagrancë i shtetasit Gramoz Dervishi për veprën penale të “Shkeljes së rregullave të qarkullimit me pasoje vdekje” dhe materialet i kaluan Prokurorisë së Rrethit Gjyqësor Gjirokastër për veprime të mëtejshme.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Plagoset shefi i Policisë Rrugore të Kavajës

Mesazh nga Agim Gashi prej Mon Jul 13, 2009 9:57 pm

Plagoset shefi i Policisë Rrugore të Kavajës



KAVAJË - Shefi i Policisë Rrugore të Kavajës, Ibrahim Maksutaj është aksidentuar sot pasdite, por është jashtë rrezikut për jetën. Ngjarja ndodhi në aksin Kavajë-Durrës, pranë Malit të Robit, kur një furistradë që po ecte me shpejtësi i ka prerë rrugën makinës së policisë në të cilën udhëtonte shefi i qarkullit. Nga karamboli i fortë janë plagosur dy drejtuesit e mjeteve.
Policia bën të ditur se "makina e Policisë Rrugore që drejtohej nga shefi, Ibrahim Maksutaj po udhëtonte në drejtim të Durrësit, kur përballë saj ka ardhur një fuoristrade me targa te Elbasanit e cila po ecte në kah të kundert. Mjetet janë përplasur dhe makina e policisë ka perfunduar në kanalin buzë rrugës".
Në vendgjarje kanë mberritur eksperte të policise rrugore nga Tirana te cilet kane nxjerre dhe përfundimet e para. Sipas të dhënave paraprake të policisë, aksidenti është shkaktuar nga drejtuesi i furoistrades i cili ishte me shpejtësi tej normale të lejuara.
Ngjarja që ndodhi tek Mali i Robit, bllokoi qarkullimin në këtë aks shumë të frekuentuar për shkak të plazhit, për gati një orë.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Plagosje me armë zjarri në Galicë

Mesazh nga Agim Gashi prej Mon Jul 13, 2009 9:57 pm

Plagosje me armë zjarri në Galicë



Ne fshatin Galic të Skenderajt, persona të pa njohur kanë shtënë me armë dhe kanë plagosur një person, derisa ky ishte duke udhëtuar me një person tjetër, në drejtim të fshatit Krasaliq. Ngjarja ka ndodhur të dielën në mbrëmje, rreth orës 21.00. Personi i plagosur, i ka deklaruar policisë se ai kishte dëgjuar së paku katër të shtëna nga një armë zjarri të shkrepur nga persona të panjohur, ndërsa njëri nga plumbat e shkrepur kishte goditur atë në këmbë. “Policia ka iniciuar hetimet e këtij rasti ndërsa hetuesit rajonal për hetime të krimeve të rënda janë në udhëheqje të këtij rasti” njofton Hoti sipas te cilit. /I. F.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Një 37-vjeçare gjendet e varur në litar

Mesazh nga Agim Gashi prej Mon Jul 13, 2009 9:58 pm

Një 37-vjeçare gjendet e varur në litar



Skenderaj, 13 korrik
Në fshatin Runik të Skenderajt, një femër 37-vjeçare është gjetur e varur në litar në një objekt të pa banueshëm në oborrin e shtëpisë së saj. Vdekjen e viktimës e ka konfirmuar edhe ekipi i mjekëve kujdestar të SHE të Skenderajt. Sipas Besim Hotit, zëdhënës i policisë rajonale në Mitrovicë, hetuesit rajonal të policisë së Kosovës e kanë bërë ekzaminimin e vendit të ngjarjes, ndërsa prokurori publik i Prokurorisë së qarkut në Mitrovicë, ka kërkuar që kufoma e të ndjerës të dërgohet në Institutin e Mjekësisë Ligjore në Prishtinë për autopsi.
I. Fejzullahu
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Sponsored content


Sponsored content


Mbrapsht në krye Shko poshtë

Faqja 2 e 11 Previous  1, 2, 3, ... 9, 10, 11  Next

Shiko temën e mëparshme Shiko temën pasuese Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi