Slim, njeriu më i pasur në botë

nga **Agim Gashi** prej Thu Mar 10, 2011 8:11 pm

Slim, njeriu më i pasur në botë

Carlos Slim është sërish në krye të klasifikimit të ‘Forbes’ si njeriu më i pasur i botës.

Slim, njeriu më i pasur në botë

Në një moshë kur zakonisht njerëzit dalin në pension, meksikani Carlos Slim ka shtuar pasurinë e tij me 20 miliardë dollarë në një vit falë të ardhurave nga aktivitetet e tij në sektorin e telekomunikacionit dhe atë minerar.

71-vjeçari, i cili renditet për të dytin vit radhazi në vendin e parë si njeriu më i pasur në botë, ka lënë pas Bill Gates dhe Warren Buffett, në vend të dytë dhe të tretë respektivisht.

Në vend të katërt renditet Bernard Arnault, pronar i grupit LVMH.

>> Carlos Slim, arti i njeriut më të pasur

Manjati meksikan i telefonisë celulare, me pasurinë e tij prej 74 miliardë dollarësh, e ka shtyrë sërish në vend të dytë themeluesin e Microsoftit, Bill Gates me 56 miliardë dollarët e tij.

Më shumë se 200 vetë iu bashkuan këtë vit listës së pasanikëve që pavarësisht krizës ekonomike botërore, ka mbërritur numrin rekord të 1.210 personave. Klasifikimi përfshin tashmë 6 miliarderë të lidhur me FB, duke llogaritur këtu edhe krijuesit e tij, Mark Zuckerberg dhe Sean Parker.

“Patëm disa surpriza këtë herë. Njëra prej tyre ishte Carlos Slim, jo pse u rendit i pari, se ashtu ishte edhe vjet, por për shtimin e jashtëzakonshëm të pasurisë se vet, me 20 miliardë dollarë brenda vitit. Pastaj, ishte dhe gjashtëshja e FB. Në Shtetet e Bashkuara të paktën, për nga fitimet, rrjeti social ka qenë tmerrësisht dinamik”, u shpreh Steve Forbes, president dhe kryeredaktor i ‘Forbes’.

Po si është shpërndarë pasuria nëpër botë.

Harta e ‘Forbes’ tregon se progresin më të madh e kanë pasur Brazili, Rusia, India dhe Kina. Amerikës i duhet të dorëzohet përballë rivalëve të vjetër rusë përsa i takon pasanikëve në metropole: sipas revistës, Moska ka 79 miliarderë ndërsa Nju Jorku 58.

Sa për Kinën, ajo bie në sy sidomos për numrin e njerëzve që kanë dyfishuar miliardat e tyre. Ndërsa Berluskoni, politikani me 9 jetë, siç e quan ‘Forbes’, nuk ka mundur të hyjë as në 30-shen e parë të klasifikimit.

Mbase festat luksoze e dhuratat e shtrenjta që bën pa kufi, e kanë varfëruar disi Kavaljerin.

_{Më poshtë po japim listën e 10 miliarderave më të pasur të botës}

1.Carlos Slim Helu & family

2.Bill Gates

3.Warren Buffett

4.Bernard Arnault

5.Larry Ellison

6.Lakshmi Mittal

7.Amancio Ortega

8.Eike Batista

9.Mukesh Ambani

10.Christy Walton & family

nga **Agim Gashi** prej Thu Mar 10, 2011 8:12 pm

Ketë Kristin ta kisha pas diçka!

Slim, njeriu më i pasur në botë

Slim, njeriu më i pasur në botë

Re: Slim, njeriu më i pasur në botë