Prof. Dr. Mehdi Hyseni:Walker në protesta, populli jo (!)

Shiko temën e mëparshme Shiko temën pasuese Shko poshtë

Prof. Dr. Mehdi Hyseni:Walker në protesta, populli jo (!)

Mesazh nga Agim Gashi prej Tue Jan 24, 2012 2:33 pm

Walker në protesta, populli jo (!)



Nga Prof. Dr. Mehdi Hyseni


*** Iu faleminderit Z. William Walker, miku ynë i shtrenjtë dhe dot i paharruar, që jeni së bashku me ne, po na vizitoni dhe po nderoni si në ditët e stuhishme të luftës, ashtu edhe në kohë paqeje, në kohë amullie politike, ekonomike, sociale, varfërie dhe papunësie mbi 50%.

-Çfarë imazhi ndërkombëtar po kërkojmë ne? – Kur nga vendi ynë aleat mik-Amerika, William Walker erdhi për të vrojtuar drejtpërdrejt protestat në Merdare, e mileti ynë ishte “barrikaduar” brenda në shtëpitë dhe në banesat e tyre të nxehta, duke shikuar “filma të vizatuar” nga made in RTK-ja “asnjanëse” e politikës pushtetore e qeverisë së Hashim Thaçit.

-Ky është imazhi ndërkombëtar i Kosovs!?

-Ish-shefi i OSBE-së në Kosovë, William Walker nga Amerika e largët, erdhi për t’i vëzhguar për së afërmi në terrenin shqiptar protestat paqësore të Vetëvendosjes në Merdare, më 22 janar 2012, kurse shumica dërrmuese e shqiptarëve në Kosovë, ngeli brenda në shtëpitë dhe në banesat e tyre të ngrohta, duke i “ futur veshët në lesh” në rolin e spektatorit, gjoja se në Merdare dhe te Dheu i Bardhë, asgjë e rëndësishme nuk po ndodhte, edhe pse me qindra qytetarë dhe veprimtarë të Lëvizjes Vetëvendosje me në krye liderët e tyre (Albin Kurti, Visar Ymeri, Glauk Konjufca, Liburn Aliu, Florin Krasniqi, të gjithë këta deputet të Kuvendit të Kosovës.) në mënyrë paqësore protestonin për të ndaluar kamionët me mallra të Serbisë në Kosovë. Protestonin në mbrojtje të Republikës, në mbrojtje të prodhimeve vendore të Kosovës, në mbrojtje të reciprocitetit të këmbimit dhe të qarkullimit të mallrave me Serbinë.

Mirëpo, sa ia vlen, kur në protestën paqësore të Lëvizjes Vetëvendosje( 22 janar 2012) në Merdare dhe te Dheu i Bardhë, populli nuk ishte me William Walker-in dhe me Lëvizjen Vetëvendosje, por vetëm disa qytetarë (të rinj, studentë, nxënës dhe pleq), ithtarë dhe mbështetës të Lëvizjes Vetëvendosje.

Me gjithe respektin e madh dhe mbështetjen e parezervë për të gjithë ata qytetarë dhe veprimtarë të Vetëvendosjes që kanë marrë pjesë në protestat paqësore më 14 dhe dhe më 22 janr 2012 në Merdare dhe te Dheu i Bardhë në kufirin Kosovë – Serbi, fatkeqësisht, atje, nuk ishte i gjithë populli, por “bënte sehir”, i strukur në “birë të minit” nga frika e kërbaçit të shtetit policor të Hashimit.

Kjo është fatkeqësia, mjegulla e padavaritur dhe iracionalizmi, që shtron shumë pyetje serioze edhe për popullin, edhe për Lëvizjen Vetëvendosje, që kërkojnë përgjigen e saktë dhe të drejtë të ndërtimit dhe të harmonizimit të strategjisë së veprimit të tyre të përbashkët në sfondin politik, kombëtar dhe shtetëror.

Në Merdare dhe te Dheu i Bardhë, në protestën paqësore mbi reciprocitetin ekonomik dhe tregtar të Kosovës me Serbinë, ishin Lëvizja Vetëvendosje dhe vëzhguesi nga Amerika, miku ynë i madh dhe i shumëçmuar William Walker, jo shumica dërrmuese e popullit. Mjerisht, kjo është disonanca absurde në relacionin Vetëvendosje-Popull, kur dihet se që nga krijimi, kjo Lëvizje me veprimet dhe me protestat e saj të guximshme, të drejta, të ligjshme, demokratike dhe paqësore, bërë nëpër sheshet dhe rrugët e Kosovës, ishte në fuksion të mbrojtjes së interesave, të kërkesave, të të drejtave dhe lirive fundamentale të popullit dhe të Kosovës.

Ndërkaq, sot, çfarë po ndodh me popullin, ku është populli? - Vetëvendosja po rrahet, po torturohet, po arrestohet, po shpifet (nga kundërshtarët e saj politikë të pushtetit policor, se gjoja është kundër standardeve dhe vlerave demokratike everopiane dhe amerikane ), po plagoset dhe po burgoset vetëm pse është në anën e përligjjes dhe të mbrojtjes të së drejtave dhe lirive thelbësore të tij?!

Ku është populli? Pse Pse populli i ka futur “veshët në lesh” e asgjë nuk po dëgjon dhe, nuk po sheh se çfarë po ndodh me Lëvizjen Vetëvendosje?!

Ky raport i pakuptueshëm Vetëvendosje – Popull, provon se, duhet të kalojnë edhe shumë vite, derisa të vetëdijësohemi dhe të piqemi politikisht dhe demokratikisht për t’i kuptuar të drejtat, liritë dhe përgjegjësitë tona si individë dhe si kolektivitet shoqëror.

Këto disonanca të “kontaktit të shkurtër” Vetëvendosje –Popull, fatkeqësisht përbëjnë një mjegull të dendur, të cilën më së shumëti e duan dhe e shfrytëzojnë për qëllimet dhe inetresat e tyre politike, ekonomike, tregtare, territoriale etj., armiqtë e popullit dhe të Kosovës.

Sikur në protestat e ligjshme, demokratike dhe paqësore të reciprocitetit (jo të kurrfarë bllokadave jo të ligjshme, ashu siç i kualifikoi gabimisht dhe me tendencë, ministresha e Transportit dhe e Tregtisë së Kosovës, z. Mimoza Kusari Lila,) ekonomiko-tregtar të Kosovës me Serbinë, të zhviluara më 14 dhe 22 janar 2012 në Merdare dhe te Dheu i Bardhë, të ishte i pranishëm populli në mbështetje të tyre së bashku me Vetëvendosjen dhe me vrojtuesin amerikan William Walker, sigurisht se ato, do të kishin pasur një rrjedhë dhe epilog krejtësisht tjetër efektiv ligjor, demokratik dhe paqësor në favor të respektimit, të mbrojtjes dhe të jetësimit të së drejtës së reciprocitetit, të vetëvendosjes dhe të sovranitetit të POPULLIT dhe të Republikës së Kosovës, e, jo, nuk do të vinte në shprehje triumfi i politikës së dhunës së shtetit policor mbi Lëvizjen Vetëvendosje, ashtu siç ndodhi më 14 janar 2012.

Të mos harrohet Vetëvendosja, nuk është koha e “filmave horror” të RTS-së!

Ata bijë dhe bija të Vetëvendosjes dhe të mbështetësve të saj, që në akull, në borë, në shi, në stuhi dhe, nën kërbaç policor po luftojnë për të mirën dhe për interesin e përgjithshëm të popullit, nuk duhet të harrohen, të përbuzën dhe të lihen vetëm nga populli.

Së fundi, nëse nuk mbështet Lëvizja Vetëvendosje në veprimet e saj ligjore, kushtetuese, poliike, demokratike, paqësore, kombëtare dhe shtetërore, në interesin e përgjithshëm të popullit dhe të Kosovës, atëherë, nuk është fare çudi dhe e papritur, as përdorimi i politikës së dhunës dhe të kërbaçit, e as i reprizës së këndimit të këngëve triviale të perënduara të diktaturës së komunizmit serbo-jugosllav, sikurse që ishte kjo: “Marshall Tita në kali të bardhë, o, ogrolla more shqiptarë”!!!

-Mjaft më, me aso politikash antishqiptare, ka vdekur tiran marshall tita, ka ngordhur “kali i bardhë” i politikës së tij antishqiptare, ka cofë-djegur kasap Miloshqeviqi në gjenocidin e tij, tanimë, në Kosovë ka vetëm shqiptarë. Kosova është e lirë dhe sovrane. Kosova është e shqiptarëve dhe e Shqipërisë, jo e Boris Tadiqit, as e Serbisë ndaj së cilës, politika e sotme zyrtare e Kosovës, është bërë rob, duke i hapur rrugë dhe shtigje të lira, që pa asnjë pengesë, të shtrijë sundimin e saj politik, ekonomik dhe tragtar kolonial dhe neokolonial në Kosovë.

-Mjaft më, me këso “këngësh” të repertoarit të politikës nënshtruese, vetëkapitulluese dhe vetëmohuese, ndryshe Lëvizja Vetëvendosje, do të jetë e vetmuar edhe te Dheu i Bardhë, edhe në Medar etj.

Ky është problem serioz kombëtar dhe shtetëror, që duhet t’i brengosë, edhe popullin, edhe Vetëvendosjen, edhe të gjitha partitë e tjera politike opozitare të Kosovës.

Ndryshe, nëse nuk bashkohet gjithë opozita së bashku me popullin, atëherë, do të na përsëritet refreni, tanimë i dëgjuar i këngës së hidhur politike (tallava): “Marshall Tita në kali të bardhë, Serbinë në Kosovë, askush nuk guxon ta ndalë”(!!!)

Kësaj, shprehur popullorqe, do i thoshin “Luje macë kryet e bullit”!!!

Temë priorotare, Veriu i Kosovës, jo izolimi i Vetëvendsojes!

Sepse, tanimë kanë filluar përgatitjet serioze për njohjen e statusit special të serbëve në Kosovën Veriore. Këtë e paralajmërojnë, edhe “katër pikat” e presidentit të Serbisë, Boris Tadiq. Këtë formulë të re politike të Tadiqit, si duket Anglia dhe Franca kanë filluar ta studiojnë me seriozitet.

Kjo do të duhej të ishte temë prioritare e politikës dhe e diplomacisë së Kosovës, jo rrahja e protestuesve paqësor të Lëvizjes Vetëvendosje, me qëllim që të normalizohen marrëdhëniet politike, ekonomike dhe tregtare, si dhe të lëvizjes së lirë të njerëzëve dhe të mallrave të Serbisë
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Shiko temën e mëparshme Shiko temën pasuese Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi