SHBA-të ndihmë edhe për Kosovën

nga **Agim Gashi** prej Tue Feb 14, 2012 8:03 pm

SHBA-të ndihmë edhe për Kosovën

Presidenti i Shteteve të Bashkuara të Amerikës (SHBA), Barak Obama, mbrëmë e ka shpallur propozim buxhetin federal prej 3800 miliardë dollarësh për vitin fiskal 2013. Sipas buxhetit të propozuar, Kosova do të jetë në vendin e tretë për nga ndihma amerikane në rajonin e Euroazisë, pas Ukrainës (54 milionë dollarë) dhe Gjeorgjisë (43 milionë dollarë).

Pas Kosovës, vjen Rusia, për të cilën SHBA-të do të ndajnë 36.2 milionë dollarë, që do të përdoren për mbështetje të shoqërisë civile, e cila aktualisht është nën presion, për mbështetje të programeve për zbutjen e konflikteve në Kaukazin Verior, e të tjera.

Propozim-buxheti, i cili tash shkon tek anëtarët e Kongresit të Shteteve të Bashkuara, ka pak gjasë që të shndërrohet në ligj, për shkak të klimës së ashpër ndërpartiake në Uashington dhe manovrimeve politike këtë vit, që është vit zgjedhor.